സംസ്ഥാനത്ത് 2027ലെ പൊതു അവധി ദിനങ്ങള്‍ ഔദ്യോഗികമായി പ്രഖ്യാപിച്ചു. ഒക്ടോബര്‍ 18ന് പ്രസിദ്ധീകരിച്ച കേരള ഗസറ്റിലാണ് അടുത്ത വര്‍ഷത്തെ അവധി ദിനങ്ങള്‍ സംബന്ധിച്ച വിജ്ഞാപനം പുറത്തിറങ്ങിയത്. റിപ്പബ്ലിക് ദിനം, വിഷു, ഈസ്റ്റര്‍, ബക്രീദ്, ഓണം, ക്രിസ്മസ് തുടങ്ങി ആകെ 21 ദിവസങ്ങളാണ് പട്ടികയില്‍ പൊതു അവധികളായി ഉള്‍പ്പെടുത്തിയിരിക്കുന്നത്. ഇതിനുപുറമേ, എല്ലാ ഞായറാഴ്ചകളും മാസത്തിലെ രണ്ടാം ശനിയാഴ്ചകളും സര്‍ക്കാര്‍ ഓഫീസുകള്‍ക്ക് അവധിയായിരിക്കും. റംസാന്‍, ബക്രീദ്, മുഹറം തുടങ്ങിയ അവധി ദിനങ്ങള്‍ ചന്ദ്രദര്‍ശനത്തിന് അനുസരിച്ച് മാറ്റത്തിന് വിധേയമായിരിക്കാമെന്നും വിജ്ഞാപനത്തില്‍ വ്യക്തമാക്കിയിട്ടുണ്ട്.
പ്രധാന അവധി ദിനങ്ങള്‍ ഒറ്റനോട്ടത്തില്‍:
- ജനുവരി 2 (ശനി): മന്നം ജയന്തി (അവധികളോടുകൂടിയ വര്‍ഷത്തെ തുടക്കം)
- ജനുവരി 26 (ചൊവ്വ): റിപ്പബ്ലിക് ദിനം
- മാര്‍ച്ച് 6 (ശനി): മഹാശിവരാത്രി
- മാര്‍ച്ച് 10 (ബുധന്‍): ഇദുല്‍ ഫിത്തര്‍ (റംസാന്‍)
- മാര്‍ച്ച് 25 (വ്യാഴം): പെസഹ വ്യാഴം
- മാര്‍ച്ച് 26 (വെള്ളി): ദുഃഖവെള്ളി
- ഏപ്രില്‍ 14 (ബുധന്‍): ഡോ. ബി.ആര്‍. അംബേദ്കര്‍ ജയന്തി
- ഏപ്രില്‍ 15 (വ്യാഴം): വിഷു
- മെയ് 1 (ശനി): മെയ് ദിനം
- മെയ് 17 (തിങ്കള്‍): ഇദുല്‍ അദ്ഹ (ബക്രീദ്)
- ജൂണ്‍ 15 (ചൊവ്വ): മുഹറം
- ഓഗസ്റ്റ് 2 (തിങ്കള്‍): കര്‍ക്കടക വാവ്
- ഓഗസ്റ്റ് 24 (ചൊവ്വ): ശ്രീകൃഷ്ണ ജയന്തി
- ഓഗസ്റ്റ് 28 (ശനി): അയ്യങ്കാളി ജയന്തി
- സെപ്റ്റംബര്‍ 13 (തിങ്കള്‍): മൂന്നാം ഓണം
- സെപ്റ്റംബര്‍ 14 (ചൊവ്വ): നാലാം ഓണം
- സെപ്റ്റംബര്‍ 15 (ബുധന്‍): ശ്രീനാരായണ ഗുരു ജയന്തി
- സെപ്റ്റംബര്‍ 22 (ബുധന്‍): ശ്രീനാരായണ ഗുരു സമാധി
- ഒക്ടോബര്‍ 2 (ശനി): ഗാന്ധി ജയന്തി
- ഒക്ടോബര്‍ 28 (വ്യാഴം): ദീപാവലി
- ഡിസംബര്‍ 25 (ശനി): ക്രിസ്മസ്
അവധി ദിവസങ്ങളില്‍ വന്ന പ്രധാന ആഘോഷങ്ങള്‍: പൊതു അവധി ദിവസങ്ങളായ ഞായറാഴ്ചകളിലും രണ്ടാം ശനിയാഴ്ചകളിലും ഒത്തുവന്നതിനാല്‍ ചില പ്രധാന ആഘോഷങ്ങള്‍ പ്രത്യേക പൊതു അവധി പട്ടികയില്‍ ഉള്‍പ്പെടുത്തിയിട്ടില്ല.
- മാര്‍ച്ച് 28 (ഞായര്‍): ഈസ്റ്റര്‍
- ഓഗസ്റ്റ് 14 (രണ്ടാം ശനി): മിലാദ്-ഇ-ഷെരീഫ് (നബി ദിനം)
- ഓഗസ്റ്റ് 15 (ഞായര്‍): സ്വാതന്ത്ര്യദിനം
- സെപ്റ്റംബര്‍ 11 (രണ്ടാം ശനി): ഒന്നാം ഓണം
- സെപ്റ്റംബര്‍ 12 (ഞായര്‍): തിരുവോണം
- ഒക്ടോബര്‍ 9 (രണ്ടാം ശനി): മഹാനവമി
- ഒക്ടോബര്‍ 10 (ഞായര്‍): വിജയദശമി
നിയന്ത്രിത അവധികള്‍: പ്രത്യേക വിഭാഗങ്ങളിലെ സര്‍ക്കാര്‍ ജീവനക്കാര്‍ക്കും അധ്യാപകര്‍ക്കുമായി മൂന്ന് നിയന്ത്രിത അവധി ദിനങ്ങളും വിജ്ഞാപനത്തില്‍ പ്രഖ്യാപിച്ചിട്ടുണ്ട്.
- മാര്‍ച്ച് 4 (വ്യാഴം): അയ്യാ വൈകുണ്ഡ സ്വാമി ജയന്തി (നാടാര്‍ സമുദായത്തില്‍പ്പെട്ട സര്‍ക്കാര്‍, അര്‍ധസര്‍ക്കാര്‍, പൊതുമേഖലാ ജീവനക്കാര്‍ക്കും അധ്യാപകര്‍ക്കും)
- ഓഗസ്റ്റ് 17 (ചൊവ്വ): ആവണി അവിട്ടം (ബ്രാഹ്മണ സമുദായത്തില്‍പ്പെട്ട സര്‍ക്കാര്‍ ജീവനക്കാര്‍ക്ക്)
- സെപ്റ്റംബര്‍ 17 (വെള്ളി): വിശ്വകര്‍മ ദിനം (വിശ്വകര്‍മ സമുദായത്തില്‍പ്പെട്ട സര്‍ക്കാര്‍, അര്‍ധസര്‍ക്കാര്‍, പൊതുമേഖലാ സ്ഥാപനങ്ങളിലെ ജീവനക്കാര്‍ക്കും അധ്യാപകര്‍ക്കും)