ഇന്ത്യൻ കോസ്റ്റ് ഗാർഡിൽ നാവിക്, യാന്ത്രിക് തസ്തികകളിലെ നിയമനത്തിന് ഇപ്പോൾ അപേക്ഷിക്കാം. ആകെയുള്ള 365 ഒഴിവുകളിലേക്ക് യോഗ്യരായ ഉദ്യോഗാർത്ഥികളിൽ നിന്ന് ഓൺലൈനായി അപേക്ഷ ക്ഷണിച്ചു. കോസ്റ്റ് ഗാർഡ് എൻറോൾഡ് പേഴ്സൺ ടെസ്റ്റ് (CGEPT) വഴിയാണ് തിരഞ്ഞെടുപ്പ് നടത്തുന്നത്. ഒക്ടോബർ 21 വൈകുന്നേരം 5:30 വരെ അപേക്ഷിക്കാം.
പ്രധാന തസ്തികകളും ഒഴിവുകളുടെ വിവരങ്ങളും
- നാവിക് (ജനറൽ ഡ്യൂട്ടി):
- CGEPT 01/27 ബാച്ച്: പുരുഷന്മാർ – 117, വനിതകൾ – 13
- CGEPT 02/27 ബാച്ച്: പുരുഷന്മാർ – 117, വനിതകൾ – 13
- വേതനം: ₹21,700 (അടിസ്ഥാന ശമ്പളം)
- യാന്ത്രിക് (പുരുഷന്മാർക്ക് മാത്രം):
- ഒഴിവുകൾ: മെക്കാനിക്കൽ – 28, ഇലക്ട്രിക്കൽ – 23, ഇലക്ട്രോണിക്സ് – 9
- വേതനം: ₹29,200 (അടിസ്ഥാന ശമ്പളം)
- നാവിക് – ഡൊമസ്റ്റിക് ബ്രാഞ്ച് (പുരുഷന്മാർക്ക് മാത്രം): 25 ഒഴിവുകൾ (അടിസ്ഥാന ശമ്പളം: ₹21,700)
- ഹൈജീനിസ്റ്റ്: 20 ഒഴിവുകൾ (അടിസ്ഥാന ശമ്പളം: ₹21,700)
ശ്രദ്ധിക്കുക: സംവരണ വിഭാഗങ്ങളായ SC, ST, OBC, EWS എന്നിവർക്ക് ചട്ടപ്രകാരമുള്ള ഒഴിവുകൾ മാറ്റിവെച്ചിട്ടുണ്ട്.
തിരഞ്ഞെടുപ്പ് രീതി (Selection Process)
- റീജിയണൽ അടിസ്ഥാനത്തിൽ: നാവിക് (ജി.ഡി – പുരുഷന്മാർ) തസ്തികയിലേക്ക് മേഖലാടിസ്ഥാനത്തിലാണ് അപേക്ഷകരെ തെരഞ്ഞെടുക്കുന്നത്. കേരളവും ലക്ഷദ്വീപും ദക്ഷിണമേഖലയുടെ (Southern Zone) പരിധിയിലാണ് വരുന്നത്.
- അഖിലേന്ത്യാ അടിസ്ഥാനത്തിൽ: നാവിക് (ജി.ഡി – വനിതകൾ), യാന്ത്രിക്, നാവിക് (ഡി.ബി), ഹൈജീനിസ്റ്റ് എന്നീ തസ്തികകളിലേക്ക് അഖിലേന്ത്യാ അടിസ്ഥാനത്തിൽ (All-India level) മെറിറ്റ് പട്ടിക തയ്യാറാക്കും.
വിദ്യാഭ്യാസ യോഗ്യതകൾ - നാവിക് (ജനറൽ ഡ്യൂട്ടി): ഫിസിക്സും മാത്തമാറ്റിക്സും വിഷയങ്ങളായി പഠിച്ച് പ്ലസ് ടു / ഹയർ സെക്കൻഡറി അല്ലെങ്കിൽ തത്തുല്യ പരീക്ഷ വിജയിച്ചിരിക്കണം.
- നാവിക് (ഡൊമസ്റ്റിക് ബ്രാഞ്ച്): എസ്.എസ്.എൽ.സി / പത്താം ക്ലാസ് അല്ലെങ്കിൽ തത്തുല്യ പരീക്ഷ വിജയം.
- ഹൈജീനിസ്റ്റ്: പത്താം ക്ലാസ് ജയം അല്ലെങ്കിൽ അംഗീകൃത ഐ.ടി.ഐ (ITI) ട്രേഡ് സർട്ടിഫിക്കറ്റ്.
- യാന്ത്രിക്: പത്താം ക്ലാസ് ജയത്തോടൊപ്പം ബന്ധപ്പെട്ട എഞ്ചിനീയറിങ് ശാഖകളിൽ (മെക്കാനിക്കൽ / ഇലക്ട്രിക്കൽ / ഇലക്ട്രോണിക്സ് / ടെലികമ്യൂണിക്കേഷൻ) 3 അല്ലെങ്കിൽ 4 വർഷത്തെ അംഗീകൃത ഡിപ്ലോമ.
പ്രധാന വിവരങ്ങൾക്ക്
കൂടുതൽ വിവരങ്ങൾക്കും ഓൺലൈനായി അപേക്ഷിക്കുന്നതിനുമായി ഔദ്യോഗിക വെബ്‌സൈറ്റ് ആയ http://ssc.gov.in സന്ദർശിക്കുക.