ഇന്ത്യൻ സ്പേസ് റിസർച്ച് ഓർഗനൈസേഷന്റെ (ISRO) കീഴിൽ പ്രവർത്തിക്കുന്ന ശ്രീഹരിക്കോട്ടയിലെ സതീഷ് ധവാൻ സ്പേസ് സെന്റർ (SDSC SHAR) വിവിധ സാങ്കേതിക, സാങ്കേതികേതര തസ്തികകളിലേക്ക് (Technical and Non-Technical Posts) അപേക്ഷ ക്ഷണിച്ചു. യോഗ്യരായ ഉദ്യോഗാർഥികൾക്ക് ഐ.എസ്.ആർ.ഒയുടെ ഔദ്യോഗിക വെബ്‌സൈറ്റ് വഴി ഓൺലൈനായി അപേക്ഷിക്കാം.
ഒഴിവുകളുടെ വിവരങ്ങൾ
ആകെ 97 ഒഴിവുകളിലേക്കാണ് റിക്രൂട്ട്മെന്റ് നടക്കുന്നത്. പ്രധാന തസ്തികകൾ താഴെ പറയുന്നവയാണ്:
- ടെക്നിക്കൽ അസിസ്റ്റന്റ് (Technical Assistant)
- സയന്റിഫിക് അസിസ്റ്റന്റ് (Scientific Assistant)
- ലൈബ്രറി അസിസ്റ്റന്റ് ‘എ’ (Library Assistant ‘A’)
- നഴ്സ് ‘ബി’ (Nurse ‘B’)
- ടെക്നീഷ്യൻ ‘ബി’ (Technician ‘B’)
- ഡ്രാഫ്റ്റ്‌സ്മാൻ ‘ബി’ (Draftsman ‘B’)
- ഫയർമാൻ ‘എ’ (Fireman ‘A’)
- ലൈറ്റ് വെഹിക്കിൾ ഡ്രൈവർ ‘എ’ (Light Vehicle Driver ‘A’)
- ഹെവി വെഹിക്കിൾ ഡ്രൈവർ ‘എ’ (Heavy Vehicle Driver ‘A’)
- മൾട്ടി ടാസ്കിങ് സ്റ്റാഫ് (MTS)
അപേക്ഷിക്കേണ്ട വിധവും അവസാന തീയതിയും
താല്പര്യമുള്ള ഉദ്യോഗാർഥികൾ ഔദ്യോഗിക വെബ്‌സൈറ്റ് സന്ദർശിച്ച് ആവശ്യമായ വിവരങ്ങൾ നൽകി ഓൺലൈനായി വേണം അപേക്ഷ സമർപ്പിക്കാൻ. - അവസാന തീയതി: നവംബർ 9, രാത്രി 11:59 വരെ അപേക്ഷകൾ സമർപ്പിക്കാവുന്നതാണ്.
കേന്ദ്ര സർക്കാർ ജോലി ആഗ്രഹിക്കുന്ന ഉദ്യോഗാർഥികൾക്ക് ഐ.എസ്.ആർ.ഒ പോലുള്ള പ്രമുഖ സ്ഥാപനത്തിൽ ജോലി നേടാനുള്ള മികച്ച അവസരമാണിത്. വിശദമായ യോഗ്യതാ മാനദണ്ഡങ്ങൾക്കും അപേക്ഷ സമർപ്പണത്തിനുമായി ഔദ്യോഗിക വിജ്ഞാപനം കാണുക.