വിവിധ ദേശീയ പ്രവേശന, യോഗ്യതാ പരീക്ഷയുമായി ബന്ധപ്പെട്ട സംശയങ്ങളും ആശങ്കകളും പരിഹരിക്കാൻ എൻ.ടി.എ 24 മണിക്കൂറും പ്രവർത്തിക്കുന്ന ടോൾ ഫ്രീ ഹെൽപ്‌ലൈനും ആരംഭിച്ചിട്ടുണ്ട്. പരീക്ഷാർത്ഥികൾക്ക് 1800-180-4747 എന്ന ടോൾ ഫ്രീ നമ്പരിലോ അല്ലെങ്കിൽ രാവിലെ 8 മുതൽ രാത്രി 10 വരെ പ്രവർത്തിക്കുന്ന 011-69227700 എന്ന നമ്പരിലോ ബന്ധപ്പെട്ട് സഹായം തേടാവുന്നതാണ്.
വരാനിരിക്കുന്ന പ്രധാന പ്രവേശന പരീക്ഷകളുടെയും യോഗ്യതാ പരീക്ഷകളുടെയും പുതുക്കിയ തീയതികൾ താഴെ പറയുന്നവയാണ്:

  • യു.ജി.സി നെറ്റ് (UGC NET – ഡിസംബർ സൈക്കിൾ): ഡിസംബർ 14 മുതൽ 18 വരെയും ഡിസംബർ 21-നും നടക്കും.
  • ജോയിന്റ് സി.എസ്.ഐ.ആർ-യു.ജി.സി നെറ്റ് (Joint CSIR-UGC NET): ഡിസംബർ 19, 22, 27 തീയതികളിൽ നടക്കും.
  • ജെ.ഇ.ഇ മെയിൻ (JEE Main) – സെഷൻ 1: 2027 ജനുവരി 20 മുതൽ 24 വരെയും ജനുവരി 28-നും നടക്കും.
  • നിഫ്റ്റ് (NIFT) പ്രവേശന പരീക്ഷ: 2027 ജനുവരി 10-ന്.
  • ഓൾ ഇന്ത്യ സൈനിക് സ്കൂൾ എൻട്രൻസ് എക്സാമിനേഷൻ: 2027 ജനുവരി 31-ന് നടക്കും.
  • സി.മാറ്റ് (CMAT 2027): 2027 ഫെബ്രുവരി 7-ന് നടക്കും.
  • സി.യു.ഇ.ടി പി.ജി (CUET PG 2027): 2027 മാർച്ച് മാസം വിവിധ തീയതികളിലായി (മാർച്ച് 2-5, 8-9, 12, 15-19, 24-25, 29-31) നടക്കും.
  • ജെ.ഇ.ഇ മെയിൻ (JEE Main) – സെഷൻ 2: 2027 ഏപ്രിൽ 2 മുതൽ 7 വരെ നടക്കും.
    ഉദ്യോഗാർത്ഥികൾക്ക് ഔദ്യോഗിക വെബ്‌സൈറ്റായ http://nta.ac.in സന്ദർശിച്ചു വിശദമായ പരീക്ഷാ തീയതികളും മറ്റ് അറിയിപ്പുകളും പരിശോധിക്കാവുന്നതാണ്.