കായിക യുവജനകാര്യ ഡയറക്ടറേറ്റിന്റെ കീഴിലുള്ള പ്രമുഖ സ്പോർട്സ് സ്ഥാപനങ്ങളിൽ താൽകാലിക നിയമനത്തിന് അവസരം. തിരുവനന്തപുരം ജി.വി. രാജ സ്പോർട്സ് സ്കൂൾ, കണ്ണൂർ സ്പോർട്സ് സ്കൂൾ, കുന്നംകുളം സ്പോർട്സ് ഡിവിഷൻ എന്നിവിടങ്ങളിലെ വിവിധ തസ്തികകളിലേക്ക് താത്ക്കാലിക നിയമനത്തിനായി അപേക്ഷകൾ ക്ഷണിച്ചു. വാർഡൻ കം ട്യൂട്ടർ (ആൺ/പെൺ), കെയർ ടേക്കർ (ആൺ/പെൺ), ക്ലീനിംഗ് & ഹൗസ് കീപ്പിംഗ്, ഗ്രൗണ്ട്സ്മാൻ കം ഗാർഡനർ, സ്പോർട്സ് സ്റ്റോർ കീപ്പർ, ഇലക്ട്രീഷ്യൻ, കമ്പ്യൂട്ടർ അസിസ്റ്റന്റ്, ഡോബി, സെക്യൂരിറ്റി ഗാർഡ് കം ഡ്രൈവർ, റീഹാബിലിറ്റേഷൻ നഴ്സിംഗ് അസിസ്റ്റന്റ്, ലൈബ്രേറിയൻ തുടങ്ങിയ വിവിധ തസ്തികകളിലാണ് അവസരമുള്ളത്.
താല്പര്യമുള്ള ഉദ്യോഗാർത്ഥികൾ നവംബർ 5നകം അപേക്ഷ സമർപ്പിക്കേണ്ടതാണ്. ഈ നിയമനവുമായി ബന്ധപ്പെട്ട കൂടുതൽ വിവരങ്ങൾ അറിയുന്നതിനും സംശയങ്ങൾക്കും 0471-2326644 എന്ന നമ്പറിൽ ബന്ധപ്പെടണം.
